Կադիրովի մարդիկ կտտանքների ենթարկելով սպանել են ադրբեջանցի երիտասարդին
Բաքվի հեռուստալրագրող Մուբարիզ Ասլանովը, ով գտնվում է Ուկրաինայում, հայտնում է, որ Զապորոժիեի շրջանի Վասիլևսկի շրջանում կտտանքների ժամանակ ադրբեջանցի երիտասարդ է սպանվել, փոխանցում է Infoteka24-ը։
«Նա վիրավոր ուկրաինացի զինվորին թաքցրել է իր տան բակում գտնվող նկուղում։ Ռուս զինվորականները (հաղորդվում է, որ նրանք Կադիրովի մարդիկ են) դրա համար խոշտանգել են մեր հայրենակցին, ինչի հետևանքով նա մահացել է»,- ասել է Մ.Ասլանովը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 264-րդ օրը։
