«Մենք դա արել ենք, մենք դա էլ ենք փորձել». Կուլեբա
Մենք հաղթում ենք մարտերում: Բայց պատերազմը շարունակվում է: Այս մասին ասել է Ուկրաինայի արտգործնախարար Դմիտրի Կուլեբան՝ ելույթ ունենալով Կամբոջայում Հարավարևելյան Ասիայի գագաթնաժողովում: Նա հայտարարել է, որ Ուկրաինայի ազատագրման համար պայքարը շարունակվելու է։
Ուկրաինացի պաշտոնյայի խոսքերով՝ Ռուսաստանի արտգործնախարար Սերգեյ Լավրովն իրեն չի խնդրել հանդիպել գագաթնաժողովի շրջանակներում։
«Եթե դիմի, մենք մանրակրկիտ կքննարկենք խնդրանքը»,- ասել է նա ու հավելել, որ այդ դեպքում պետք է բարեխղճորեն մոտենա բանակցություններին։
«Չկա որևէ նշան, որ Ռուսաստանը անկեղծորեն բանակցություններ է վարում»,- ասել է Կուլեբան։
«Սեղանի շուրջ նստենք գեղեցիկ լուսանկարի համար. դա արդեն եղել է, մենք դա արել ենք, մենք դա էլ ենք փորձել», - ասել է Ուկրաինայի արտգործնախարարը:
