Բայդենն ու Ծինփինը կհանդիպեն

ԱՄՆ նախագահ Ջո Բայդենը Ինդոնեզիայում G20 գագաթնաժողովի շրջանակներում բանակցություններ կվարի Չինաստանի նախագահ Սի Ծինփինի հետ։  Այս մասին հայտնել է Սպիտակ տան մամուլի քարտուղար Կարին Ժան Պիերը, գրում է  RT-ն։

«Բայդենը նոյեմբերի 14-ին Բալիում կհանդիպի Սի Ծինփինին», - ասել է նա։

Նշվում է, որ կողմերը մտադիր են քննարկել ԱՄՆ-ի և Չինաստանի միջև հաղորդակցության խորացումը, պատասխանատու մրցակցությունը, ինչպես նաև փոխադարձ հետաքրքրություն ներկայացնող ոլորտները։

Հոկտեմբերին Սի Ծինփինը ասել էր, որ Պեկինը և Վաշինգտոնը պետք է ամրապնդեն փոխգործակցությունն ու համագործակցությունը՝ աշխարհում կայունությունն ու որոշակիությունը բարձրացնելու համար։