Չինաստանը գերձայնային հրթիռ է ցուցադրել` որպես զգուշացում Վաշինգթոնին
Չինաստանն առաջին անգամ ցուցադրել է գերձայնային հականավային հրթիռ։ Այս մասին հայտնում է South China Morning Post-ը (SCMP):
Նշվոյմ է, որ հրթիռը նման է ռուսական Կինժալին, իսկ դրա ցուցադրումը զգուշացում է` ուղղված պաշտոնական Վաշինգթոնին` Չինաստանի ցամաքի և Թայվանի վերամիավորմանը չմիջամտելու համար։
Պարբերականի տվյալներով՝ Airshow China ավիացիոն ցուցահանդեսում ցուցադրված հրթիռն ունակ է միջուկային բեռ կրել։ Ռումբերի կիրառման շրջանակը գերազանցում է երկու հազար կիլոմետրը։
«Ավիաշոուում YJ-21 ցուցադրության նպատակն է զգուշացնել Միացյալ Նահանգներին չմիջամտել Թայվանը վերադարձնելու Պեկինի ծրագրերին ..., ամերիկյան ծովային հակաօդային պաշտպանության համակարգերից ոչ մեկը ի վիճակի չէ կալանել հիպերձայնային հրթիռը»,- ասել է կանադական Kanwa Asian Defense ամսագրի գլխավոր խմբագիր Անդրեյ Չանգը։
SCMP-ն, հղում անելով փորձագետների կարծիքին, գրում է, որ չինական YJ-21 հրթիռներն ավելի հզոր են, քան դրանց ռուսական տարբերակները և հակամարտության դեպքում ի վիճակի են հետ պահել ԱՄՆ նավերին տարածաշրջանից։
