ՏԵՍԱՆՅՈՒԹ. «Հավատացեք, որ ի վիճակի ենք պաշտպանելու Արցախը». Բաբայանի ելույթը` Արցախի Վերածննդի հրապարակում
Արցախի մայրաքաղաք Ստեփանակերտի Վերածննդի հրապարակում հոկտեմբերի 30-ին բազմահազարանոց հանրահավաք էր անցկացվում: Հանրահավաքի ընթացքում ելույթ ունեցավ նաև Արցախի արտգործնախարար Դավիթ Բաբայանը:
«Ինչ պետք է անենք, որպեսզի այս ծանր իրավիճակից պատվով դուրս գանք: Իհարկե, պետք է աշխատենք ներքին և արտաքին ոլորտներում: Մեզ համար անընդունելի է ցանկացած առաջարկ, ցանկացած փաստաթուղթ, որտեղ Արցախը կդիտարկվի Ադրբեջանի մաս: Հավատացեք, որ ի վիճակի ենք պաշտպանելու Արցախը: Յուրաքանչյուրս հիմա ունի ընտրության հնարավորություն: Կամ մենք պետք է պատմության մեջ մտնենք որպես ամենաանարժանապատիվ, ամենաթուլամորդ, ամենաանհայրենիք սերունդը, որի ժամանակ կործանվեց բիբիլիական Արցախը, կամ պետք է պատմության մեջ մտնենք որպես սկզբունքային, հայրենասեր սերունդ, որը, անկախ բոլոր դժվարություններից, կարողացավ փրկել այս աստվածային հողակտորը»,-նշեց Բաբայանը:
Մանրամասները` տեսանյութում:
