Մակրոնը նույնիսկ թույլ է տվել իրեն զանգահարել WhatsApp-ով․ Զելենսկի
Ուկրաինայի նախագահ Վլադիմիր Զելենսկին ասել է, որ մարդկային առումով լավ հարաբերություններ ունի աշխարհի բազմաթիվ առաջնորդների հետ,
Ֆրանսիայի նախագահ Էմանուել Մակրոնը նույնիսկ թույլ է տվել իրեն զանգահարել WhatsApp-ով, գրում է ՌԻԱ «Նովոստի»-ն։
Գերմանական ZDF հեռուստաալիքին տված հարցազրույցում՝ Զելենսկին ասել է, որ պատերազմի պայմաններում պետք է շատ արագ որոշումներ կայացնի և ստեղծված իրավիճակում վարում է այսպես կոչված «այֆոնային դիվանագիտություն», որը նախկինում Ուկրաինան չուներ: Զելենսկու խոսքով՝ ինքը բոլորին խնդրել է խոսել ավելի արագ, ոչ թե հեռախոսազանգեր պատվիրել․ «Ես իսկապես մտերիմ հարաբերություններ ունեմ (Մեծ Բրիտանիայի նախկին վարչապետ) Բորիս Ջոնսոնի, (Լեհաստանի նախագահ Անջեյ) Դուդայի, Լատվիայի և Լիտվայի հետ, նրանց, ում կարող էի զանգահարել: Իսկ Էմանուել Մակրոնն ինձ միշտ ասում է՝ ինձ WhatsApp-ով զանգիր»։
