Ինչու է Ուկրաինայի դեսպանը կանչվել Բելառուսի ԱԳՆ
Բելառուսում Ուկրաինայի դեսպան Իգոր Կիզիմը շաբաթ երեկոյան կանչվել է Բելառուսի ԱԳՆ, որտեղ նրան դիվանագիտական նոտա են հանձնել «երկրին հարվածելու Կիևի պլանների» համար։ Այս մասին կիրակի օրը հայտնել են Ուկրաինայի ԱԳՆ-ում։
«Հոկտեմբերի 8-ի երեկոյան Մինսկում Ուկրաինայի դեսպան Իգոր Կիզիմը հրավիրվել է Բելառուսի ԱԳՆ, որին հանձնվել է դիվանագիտական նոտա»,- ասվում է հաղորդագրության մեջ։ Նոտայում ԱԳՆ-ն մանրամասնել է, որ «բելառուսական կողմը պնդում է, որ Ուկրաինան ծրագրում է հարվածներ հասցնել Բելառուսի տարածքին»։ Կիևը հայտնել է , որ այդ տեղեկությունը չի համապատասխանում իրականությանը։
Հոկտեմբերի 4-ին Բելառուսի նախագահ Ալեքսանդր Լուկաշենկոն ռազմական անվտանգության հարցերով հանդիպման ժամանակ նշել է, որ Ուկրաինան անհանգստացած է Բելառուսի կողմից ռազմական գործողություններին միանալու հնարավորությամբ, սակայն ինքն է մինչև 15 հազարանոց զինվորականների խումբ հանել սահմանին։
