«Երեք-չորս օրվա ընթացքում». Էրդողանը` Պուտինի հետ հանդիպման մասին

Առաջիկա «երեք-չորս օրվա ընթացքում» ակնկալում եմ դեմ առ դեմ հանդիպում Ռուսաստանի նախագահ Վլադիմիր Պուտինի հետ: Այս մասին հայտարարել է Թուրքիայի նախագահ Ռեջեփ Թայիփ Էրդողանը: Տեղեկատվությունը փոխանցում է ՌԻԱ Նովոստին։

«Այսօր պարոն Պուտինի ծննդյան օրն է: Ես ուզում էի շնորհավորել նրան, և նա իր հերթին շնորհակալություն հայտնեց մեր միջնորդության համար (ուկրաինական ճգնաժամի վերաբերյալ): Բացի այդ, լավ կլիներ, որ մենք կարողանայինք հանդիպում անցկացնել մեր երկկողմ հարաբերությունների վերաբերյալ երեք-չորս օրվա ընթացքում: Եթե պարոն Պուտինը նույնպես կարողանա գալ ասիական բանակցություններին, մենք կկարողանանք. երկկողմ բանակցություններ վարել, ինչպես նաև Ռուսաստան-Ուկրաինա հարցով բանակցություններ»,- ասել է Էրդողանը լրագրողներին:

Հիշեցնենք` Թուրքիայի և Ռուսաստանի Դաշնության նախագահները այսօր հեռախոսազրույց են ունեցել, քննարկել երկկողմ հարաբերությունները և Ուկրաինայում տիրող իրավիճակը։