ԱՄՆ Պետդեպը՝ հայ-ադրբեջանական սահմանին ԵՄ առաքելության ստեղծման մասին

ԱՄՆ-ը ողջունում է Հայաստանի և Ադրբեջանի սահմանին ԵՄ առաքելության ստեղծումը և հույս ունի, որ դա կնպաստի կողմերի միջև բանակցություններին։ Այդ մասին ուրբաթ օրը կայացած ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավարի տեղակալ Վեդանտ Պատելը, փոխանցում է ТАСС-ը:

 

«Մենք ոգևորված ենք Հայաստանի վարչապետի և Ադրբեջանի նախագահի հանդիպումից և ողջունում ենք Ֆրանսիայի նախագահի և Եվրոպական խորհրդի ղեկավարի գործողությունները՝ խթանելու համապարփակ խաղաղ գործընթացը», – ասսել է նա։

 

«Մասնավորապես, մենք ողջունում ենք տարածաշրջանում ԵՄ դիտորդական առաքելության հարցում գրանցված առաջընթացը: Այս առաքելությունը կողմերի միջև վստահության ձևավորման նպատակ ունի և կշարունակի նպաստել Հայաստանի և Ադրբեջանի միջև բանակցություններին», – ասել է Պատելը:

 

Եվրախորհրդի հայտարարության համաձայն՝ ԵՄ քաղաքացիական առաքելությունը Հայաստանի և Ադրբեջանի սահմանին կսկսի գործել հոկտեմբերին և կտևի երկու ամիս։