Հունաստանը Գերմանիայից փոխհատուցում է պահանջում Առաջին և Երկրորդ աշխարհամարտերի ժամանակ կրած վնասների համար
Հունաստանը հայտարարել է, որ Գերմանիայի կողմից պատերազմական փոխհատուցումների վճարման հարցը մնում է բաց: Այս մասին Վարշավայում հայտարարել է Հունաստանի արտգործնախարար Նիկոս Դենդիասը լեհ գործընկեր Զբիգնեւ Ռաուի հետ հանդիպումից հետո։
Նա նշել է, որ այս որոշումը հույն հասարակության համար սկզբունքային է:
Հունաստանը Գերմանիայից պահանջում է 309,5 միլիարդ եվրո Երկրորդ համաշխարհային պատերազմի ժամանակ վնասի համար, 9,2 միլիարդ եվրո՝ Առաջին համաշխարհային պատերազմի համար, ավելի քան 107,2 միլիարդ եվրո՝ քաղաքացիների մահվան և խեղման համար փոխհատուցում։
Ավելի վաղ Երկրորդ Համաշխարհային պատերազմի ժամանակ կրած վնասների համար Գերմանիայից փոխհատուցում էր պահանջել Լեհաստանը, ինչին Գերմանիայի ԱԳՆ-ն բացասական պատասխան էր տվել:
