Դոնեցկը, Լուգանսկը, Զապորոժիեն և Խերսոնը՝ Ռուսաստանի վարչական միավոր
Հրապարակվել է Ռուսաստանի Դաշնության նորացված Սահմանադրության տեքստը Ռուսաստանի կազմում նոր շրջաններով։ Այն տեղադրվել է այսօր իրավական տեղեկատվության պորտալում, գրում է Известия-ն:
«Ռուսաստանի Դաշնության մաս են կազմում ՌԴ սուբյեկտներ Դոնեցկի Ժողովրդական Հանրապետությունը... Լուգանսկի Ժողովրդական Հանրապետությունը... Զապորոժիեի շրջանը... Խերսոնի շրջանը»,- նշվում է փաստաթղթում։
Նախօրեին Ռուսաստանի նախագահ Վլադիմիր Պուտինը հրամայել էր հրապարակել Սահմանադրության թարմացված տեքստը նոր շրջանների մասին անհրաժեշտ փոփոխություններով։ Փոփոխություններ են կատարվել 65-րդ հոդվածում, որը ներառում է Ռուսաստանի Դաշնության սուբյեկտների ցանկը։
