Ռուսաստանի ԱԳՆ-ն մեկնաբանել է Զելենսկու՝ Ռուսաստանի հետ բանակցություններից հրաժարվելը
Զելենսկու դիրքորոշումը Ռուսաստանի հետ բանակցելուց հրաժարվելու վերաբերյալ սխալ է և պետք է դատապարտվի։ Այս մասին RIA Novosti-ին ասել է փոխարտգործնախարար Սերգեյ Վերշինինը։
«Կարծում եմ, որ դա միանգամայն սխալ, դատապարտելի դիրքորոշում է, քանի որ մենք խոսել ենք պատրաստակամության մասին, եղել են բանակցություններ, վերջին փուլը կայացել է Ստամբուլում, ընդհատվել են ուկրաինական կողմի մեղքով»,- ասել է Վերշինինը։
Ավելի վաղ Վլադիմիր Զելենսկին հրամանագիր է ստորագրել՝ Ռուսաստանի նախագահ Վլադիմիր Պուտինի հետ բանակցություններ վարելու անհնարինության և Ուկրաինայի Ազգային անվտանգության և պաշտպանության խորհրդի որոշման կատարման մասին։
