Չարլզ III-ի թագադրումը տեղի կունենա հաջորդ տարի. Bloomberg

Մեծ Բրիտանիայի և Հյուսիսային Իռլանդիայի թագավոր Չարլզ III-ի թագադրումը տեղի կունենա 2023 թվականի հունիսի 3-ին Լոնդոնում, գրում է Bloomberg-ը։ 

Արարողության ժամանակ ապագա թագավորը կդառնա 74 տարեկան։ Սա բացարձակ ռեկորդ է բրիտանական բոլոր միապետների շրջանում։

Նշվում է, որ Բուքինգհեմյան պալատը հրաժարվել է մեկնաբանություն տալ:
 

Սեպտեմբերի 8-ին 96 տարեկանում մահացել էր Մեծ Բրիտանիայի և Հյուսիսային Իռլանդիայի Միացյալ Թագավորության Եղիսաբեթ Երկրորդ թագուհին: Սեպտեմբերի 10-ին գահաժառանգության խորհուրդը Չարլզ Երրորդին պաշտոնապես հռչակել է Մեծ Բրիտանիայի և Հյուսիսային Իռլանդիայի Միացյալ Թագավորության միապետ: