Արևմուտքին չի հաջողվի Ռուսաստանի ու Իրանի վրա բարդել էներգետիկ ճգնաժամի պատասխանատվությունը. իրանցի փոխնախարար
Արևմուտքին չի հաջողվի Ռուսաստանի ու Իրանի վրա բարդել էներգառեսուրսների պահանջարկի հետ կապված իր խնդիրների պատասխանատվությունը։ Այս մասին հայտնում է РИА Новости-ն՝ հղում տալով Իրանի նավթի փոխնախարար Ահմադ Ասադզադեն:
«Ընթանում է ՕՊԵԿ+ի նիստը, որտեղ որոշում կկայացվի։ Ուզում եմ ասել, որ Եվրոպայի և Ամերիկայի երկրները չեն կարող մեզ վրա բարդել նավթային ոլորտի իրենց պահանջմունքները և նավթագազային ճգնաժամը»,-ասել է նա։
Հիշեցնենք, որ ՕՊԵԿ-ը` Նավթ արտահանող երկրների կազմակերպության նախարարների կոմիտեն խորհուրդ է տվել կարտելի երկրներին կտրուկ կրճատել նավթի արդյունահանումը օրական 2 միլիոն բարելով, ինչը կարող է հանգեցնել նավթի համաշխարհային շուկայում գնաճի։
Սպիտակ տունը կազմակերպության որոշումը «աղետ» է որակել և ոչ բարեկամական քայլ։
