Ալեն Սիմոնյանը` երեկ հրապարակված 5 կետերի մասին

 «Գիտեմ հոդվածի մասին, չեմ կարդացել»,- ասաց ԱԺ նախագահ Ալեն Սիմոնյանը՝ անդրադառնալով «ՀԺ»-ի՝ «Ի գիտություն Վեհափառ հայրապետի, 3 նախագահների և փորձագիտական հանրության. ի՞նչ է ուզում Ադրբեջանը» երեկվա հոդվածին: Նա նշեց, որ ՀՀ-ն որևիցե պահանջ չի ընդունել ու որևիցե փաստաթուղթ չկա: 

«ՀՀ ինքնիշխանությունը, տարածքային ամբողջականությունը քննարկելու ենթակա չեն»,- ասաց Սիմոնյանը:

Ո՞րոնք են Ադրբեջանի 5 պահանջները Հայաստանից ըստ ՀԺ-ի հավաստի աղբյուրի:

1. ԼՂ պաշտպանության բանակի լուծարում 
2. ԼՂ ճանաչում Ադրբեջանի կազմում՝ առանց որևէ ինքնավար կարգավիճակի: Այսինքն՝ 0 կարգավիճակով: 

3. Միջանցք Հայաստանի տարածքով 
4. Սահմանագծման և սահմանազատման գործընթաց 1919, 1920 թվականի քարտեզներով (առայժմ հայտնի չէ, թե կոնկրետ ո՞ր քարտեզների մասին է խոսքը) 
5. Անհետ կորած ադրբեջանցիների ճակատագրի պարզաբանում, հնարավոր է հետագայում Հայաստանին պատերազմական հանցագործությունների մեջ մեղադրելու միտումով: