Պուտինը Սնոուդենին ՌԴ քաղաքացիություն է շնորհել
Միացյալ Նահանգների Ազգային անվտանգության գործակալության և Կենտրոնական հետախուզական վարչության նախկին աշխատակից Էդվարդ Սնոուդենին Ռուսաստանի քաղաքացիություն է շնորհվել: Այս մասին հայտնում է ТАССը:
Նշվում է, որ Սնոուդենին քաղաքացիություն շնորհվել է այսօր ՌԴ նախագահ Վլադիմիր Պուտինի հրամանագրով։
Հիշեցնենք, որ Սնոուդենը ամերիկյան ծառայությունների կողմից իրականացվող գաղտնալսումների և անձնական բնույթի գաղտնի տվյալների հավաքման ծրագրերի վերաբերյալ տեղեկություններ էր հրապարակել, ինչի համար հետապնդվում է Միացյալ Նահանգների իշխանությունների կողմից:
