ՏԻՄ ընտրություններ Հայաստանում. նախնական արդյունքները
Երեկ տեղական ինքնակառավարման մարմինների համամասնական ընտրակարգով հերթական ընտրություններ անցկացվեցին Արագածոտնի, Գեղարքունիքի, Լոռու, Կոտայքի, Շիրակի, Սյունիքի, Վայոց ձորի և Տավուշի մարզերի 17 համայնքում, իսկ Արագածոտնի մարզի Ալագյազ համայնքում անցկացվեցին մեծամասնական ընտրակարգով հերթական ընտրություններ: Նշված համայնքում ընթացել են համայնքի ղեկավարի և ավագանու անդամների ընտրություններ: Ժամը 20.00-ին փակվել են հանրապետության 8 համայնքի 314 ընտրատեղամասերը։
Շիրակի մարզի Անի խոշորացված համայնքի ՏԻՄ ընտրությունների նախնական արդյունքներով գործող քաղաքապետ Արտակ Գևորգյանի ղեկավարած դաշինքը հաղթել է։
Ալավերդիում նախնական տվյալներով հաղթում է «Ապրելու երկիր» կուսակցությունը:
Բերդ խոշորացված համայնքում հաղթում է գործող համայնքապետ Հարություն Մանուչարյանը, ով շուրջ 11 ամիս է` ազատազրկված է: Այս մասին հայտնեց «Ռեֆորմիստներ» կուսակցության ղեկավար Վահան Բաբայանը:
Տաշիրում «Քաղաքացիական պայմանագիրը» ջախջախիչ պարտություն է կրում։
Ըստ նախնական տվյալների «Միասնական Համայնք» դաշինքը հավաքել է 5025 ձայն, իսկ «Քաղաքացիական պայմանագիրը»՝ 1925 ձայն:
ՔՊ թեկնածուն Արման Վարդանյանն է, իսկ հաղթող դաշինքի թեկնածուն՝ Էդգար Արշակյանը
Սիսիանի Իշխանասար համայնքում առավել շատ ձայներ է հավաքել «Քաղաքացիական պայմանագիր» կուսակցությունը:
Իշխանասար համայնքի նախնական տվյալներն են`
ՔՊ- 35 ձայն
«Աշխատանք և արդարություն» դաշինք – 31 ձայն
«Ապրելու Երկիր» կուսակցություն- 17 ձայն
Թալին խոշորացված համայնքում նախնական տվյալներով հաղթել է «Քաղաքացիական պայմանագիր» կուսակցության թեկնածու Տավրոս Սափեյանը:
Ալագյազ խոշորացված համայնքում հաղթեց անկուսակցական Ջասմ Մախմուդովը:
Կենտրոնական ընտրական հանձնաժողովի հրապարակած տվյալներով՝ ընտրություններին մասնակցել է քվեարկոթւյան իրավունք ունեցողների 50,4 %-ը կամ 119 հազար 469 մարդ։
Ամենաակտիվը եղել է Սյունիքի մարզի Քաջարան համայնքը։ Այստեղ քվեարկությանը մասնակցել է ընտրողների 77 %-ը կամ 4743 մարդ։
Դրան հաջորդում է Ակունք համայնքը՝ 70,1 % մասնակցությամբ։
Ամենապասիվը եղել է Կոտայքի մարզի Ջրվեժ համայնքը։ Այստեղ 8003 ընտրողից քվեարկությանը մասնակցել է 2177-ը կամ քվեարկության իրավունք ունեցողների 27,2 %-ը։
