ՌԴ ԱԳՆ-ն կեղծ է անվանել Հայաստան տեղափոխված ՌԴ քաղաքացիներին 102-րդ ռազմաբազա զորակոչելու մասին լուրերը

ՌԴ ԱԳՆ-ն ապատեղեկատվություն է անվանել Հայաստան տեղափոխված ՌԴ քաղաքացիներին 102-րդ ռազմաբազա և Լեռնային Ղարաբաղում խաղաղապահ զորախումբ զորակոչելու մասին լուրերը։ Ավելին, հայտարարությունը վերագրվել է ՀԱՊԿ-ում Ռուսաստանի մշտական ​​ներկայացուցիչ Միքայել Աղասանդյանին։ 

ԱԳՆ-ից նշել են, որ նա այս հարցի վերաբերյալ որևէ մեկնաբանություն չի տվել և չի շփվել լրատվամիջոցների հետ այս թեմայով։ Մասնակի զորահավաքի հետ կապված հարցերում անհրաժեշտ է խստորեն կենտրոնանալ ՌԴ պաշտպանության նախարարության պաշտոնական տեղեկատվության վրա, ընդգծել են գերատեսչությունում։