Եղիշե Կիրակոսյանի, Նենսի Փելոսիի հետ քննարկել ենք Ադրբեջանի կողմից մարդու իրավունքների սարսափելի խախտումները. Փալոն

Կոնգրեսական Ֆրենկ Փալոնը, ԱՄՆ Կոնգրեսի Ներկայացուցիչների պալատի նախագահ Նենսի Փելոսին և Միջազգային իրավական հարցերով ՀՀ ներկայացուցիչ Եղիշե Կիրակոսյանը քննարկել են Ադրբեջանի ագրեսիան:

«Այսօր հանդիպել եմ Եղիշե Կիրակոսյանի, խոսնակ Փելոսիի և Հայկական հանձնախմբի մյուս անդամների հետ։ Քննարկել ենք Ադրբեջանի կողմից մարդու իրավունքների սարսափելի խախտումները և Հայաստանի ջանքերը Արդարադատության միջազգային դատարանում ու Մարդու իրավունքների եվրոպական դատարանում», - Twitter-ի իր էջում գրել է Փալոնը:

Մեկ այլ գրառմամբ նա հայտնել է, որ Կապիտոլիումում զրուցել է Արցախի արտաքին գործերի նախարար Դավիթ Բաբայանի հետ:

«Մենք քննարկել ենք Ադրբեջանի հարձակումների հետեւանքով Արցախում առաջացած հումանիտար մասշտաբային ճգնաժամը և ադրբեջանական հետագա ագրեսիայից խոցելի հայ բնակչության պաշտպանության անհրաժեշտությունը», - գրել է Փալոնը։

[bb97abfd18ceb1be24ee05d4385711c9.jpg]

[f29b0341f23e8ecda1afaafa7957b72a.png]