ՏԵՍԱՆՅՈՒԹ. Բաղդադում ցույցերի ժամանակ 2 մարդ է զոհվել. կա 19 վիրավոր
Բաղդադում ոստիկանների կողմից ցույցը ցրելու ժամանակ 2 մարդ է զոհվել, 19 ցուցարար վիրավորվել է։ Իրաքի մայրաքաղաքում պարետային ժամ է հայտարարվել, քաղաք են մտցվել զորքեր։ Տեղեկատվությունը փոխանցում է Лента дня-ն:
Այս պահին պարզ չէ, թե ով է կրակ բացել ցուցարարների վրա։
Տեղական պարբերականները գրում են, որ Իրաքի ուժայինները լիակատար վերահսկողության տակ են վերցրել Բաղդադի հանրապետական պալատը, աս-Սադրի կողմնակիցների դեմ արցունքաբեր գազ են կիրառել:
Հիշեցնենք, որ Իրաքի ամենախոշոր քաղաքական ուժերից մեկի՝ շիա գործիչ Մուկթադա աս-Սադրի առաջնորդը, որի կողմնակիցները զանգվածային բողոքի ցույցեր են անցկացնում, հայտարարել է քաղաքականությունից հեռանալու մասին։
