Մեծ Բրիտանիայի նորագույն ավիակիրը ԱՄՆ գնալու ճանապարհին խափանվել է

Միացյալ Նահանգների ուղղությամբ նավարկելուց անմիջապես հետո բրիտանական նորագույն ավիակիրը՝ «Ուելսի արքայազնը», խափանվել է Անգլիայի ափերի մոտ, հայտնել է Մեծ Բրիտանիայի թագավորական նավատորմը, փոխանցում է Sky News հեռուստաալիքը։ 

The Daily Telegraph-ն էլ գրում է, որ ավիակիրի վերանորոգումը կարող է տեւել մի քանի օր։ Դրանից հետո նավը պետք է շարունակի իր ճանապարհը դեպի զորավարժությունների տարածք, որը տեղի կունենա Հյուսիսային Ամերիկայի ափերի մոտ և Կարիբյան ծովում։ Զորավարժություններին կմասնակցեն նաեւ ԱՄՆ-ի եւ Կանադայի զինվորականները։

Հաղորդվում է, որ 3 միլիարդ ֆունտ ստերլինգ արժողությամբ ավիակիրը կարող է տեղափոխել քառասուն ինքնաթիռ։