Լատվիայում կարգելվի ռուսերենը հանրային վայրերում և աշխատաշուկայում
Լատվիայի կառավարությունը կքննարկի ռուսաց լեզվի սահմանափակման մասին օրենքը: Ինչպես գրում է Bloomberg-ը՝ այն կլինի օրենք, որը կնշանակի «վերջ՝ երկլեզվությանը»:
Երկրի արդարադատության նախարարությունն ակնկալում է օրենքի ընդունում մինչև հոկտեմբերի 1-ը։ Ռուսաց լեզվի օգտագործումը հանրային տարածքում և աշխատաշուկայում կարգելվի։
Ցանկացած հնարավոր բացառություն կտարածվի միայն ԵՄ լեզուների օգտագործման վրա:
Ավելի վաղ AuroraNews.am-ը գրել էր, որ Լատվիայում Էլեկտրոնային լրատվամիջոցների ազգային խորհուրդը (NEPLP) արգելել է ռուսական բոլոր հեռուստաալիքների հեռարձակումը։ Ընդհանուր առմամբ, արգելվել է 80 ռուսական հեռուստաալիք։ Դրանցից են Illusion+, Kino24, Mir TV, Hunting and Fishing, Pepper, Russian Illusion եւ այլն։
