ԱՄՆ-ում բնակիչները դատի են տալիս ԱԲ տվյալների կենտրոններին աղմուկի պատճառով

Միացյալ Նահանգներում քաղաքացիները սկսել են դատական հայցեր ներկայացնել արհեստական բանականության տվյալների կենտրոնների դեմ՝ պատճառ հանդիսացող արդյունաբերական աղմուկի հիմքով։

Միաժամանակ երեք փոքր քաղաքներում գրանցվել է երեք դատական հայց։ Ըստ հայցվորների պնդումների՝ չնայած տվյալների կենտրոնների համապատասխանությանը գոտիավորման հիմնական կանոնակարգերին, մշտական բզզոցն ու թրթռումները նվազեցնում են տարածքում գտնվող գույքի արժեքը և անհանգստություն պատճառում բնակիչներին։ Նյու Ջերսի նահանգի Վայնլենդ քաղաքի բնակիչները դատական հայց են հարուցել DataOne USA ընկերության դեմ, որն այժմ իրականացնում է իր տվյալների կենտրոնի ընդլայնումը: 

Տեղի բնակչությունը մտավախություն ունի, որ աշխատանքների ավարտից հետո աղմուկն էլ ավելի կմեծանա: «Սարքավորումներից եկող անընդհատ աղմուկը հատկապես նկատելի է գիշերը: Այն հնչում է ուղղաթիռի ձայնի պես, իսկ երբեմն՝ անընդհատ շարժվող ծանր բեռնատարի ձայնի պես», - դատական ​​հայցում նկարագրում է բնակիչներից մեկը: Միչիգան նահանգի Դոուագիակ քաղաքում մարդիկ դժգոհում են Hyperscale Data-ի տվյալների կենտրոնից անդադար տարածվող բզզոցից։ Այս կենտրոնը տեղակայված է բնակելի շենքերի հարևանությամբ։ Տեղական MLive հրատարակության փոխանցմամբ՝ բնակիչները հայտնում են, որ օբյեկտի աղմուկը լսելի է նույնիսկ փակ պատուհանների պարագայում: 

Որոշ հարևաններ արդեն դատական հայց են ներկայացրել ընկերության դեմ։ Միչիգանում տեղի բնակիչները բողոքում են նաև Microsoft ընկերության կողմից շուրջ 1 միլիարդ դոլար արժողությամբ տվյալների կենտրոն կառուցելու ծրագրերի դեմ: NYT-ը նշում է, որ ԱՄՆ-ում տների գրեթե 40%-ը գտնվում է առնվազն մեկ գործող տվյալների կենտրոնից հինգ մղոնի շառավղով։ Ներկայումս երկրում գործում է մոտ 3000 տվյալների կենտրոն, իսկ ևս 1500-ը կառուցման փուլում են։