Քիր Սթարմերը հրաժարական տվեց

Մեծ Բրիտանիայի վարչապետ Քիր Սթարմերը այսօր կարող է հրապարակել իր հրաժարականի ժամկետները և սկսել իշխանության փոխանցման գործընթացը Մանչեսթերի քաղաքապետ Էնդի Բերնեմին։ The Guardian-ը հաղորդում է, որ նա հրաժարական է տալու այսօր:

Գործադիր իշխանության ղեկավարի շուրջ լարվածությունը մեծացել էր ամիսներ շարունակ և կտրուկ սրվել վերջին խորհրդարանական ընտրություններից հետո, որտեղ Էնդի Բերնեմը համոզիչ հաղթանակ է տարել։ Այդուհանդերձ, Լեյբորիստների առաջնորդի փոփոխությունը երկրի համար որոշակի ռիսկեր է պարունակում, քանի որ Բերնեմն դեռևս հստակ չի ձևակերպել իր մոտեցումները պաշտպանության, տնտեսության և արտաքին քաղաքականության վերաբերյալ։

Նոր ղեկավարը ստիպված է լինելու առերեսվել նաև պարտատոմսերի շուկայի ներդրողների սահմանափակումներին, որոնք դեմ են լրացուցիչ փոխառություններին, ինչպես նաև էլեկտորատի դժգոհությանը։ Միացյալ Թագավորությունն այժմ ունի փոխառությունների ամենաբարձր ծախսերը «Մեծ յոթնյակի» (G7) երկրների շարքում, ինչը պայմանավորված է զգալի պետական պարտքով, տնտեսական թույլ աճով և պաշտպանական ոլորտում ներդրումների անհրաժեշտությամբ։