CBS-ը հապճեպ հեռացրել է Ուկրաինայում «անհետացող» զենքերի մասին ֆիլմի անոնսը

Ամերիկյան CBS News հեռուստաալիքը հապճեպ հեռացրել է վավերագրական ֆիլմի անոնսը, որտեղ նշվում է, որ Ուկրաինայում «անհետանում» են արևմտյան զենքերը։

Ֆիլմում խոսվում էր ոչ առևտրային կազմակերպության հիմնադիր Ջոնաս Օմանի կողմից ապրիլի վերջին արված գնահատականի մասին, ով ասում էր, որ Ուկրաինային ուղարկվող օգնության միայն 30%-ն է հասնում ռազմաճակատ։

«Այդ ժամանակից ի վեր, ըստ Օմանի, առաքումը բարելավվել է: Մենք թարմացնում ենք մեր վավերագրական ֆիլմը՝ այս նոր տեղեկատվությունը արտացոլելու և այն ավելի ուշ հրապարակելու համար», - ասել են CBS-ի ներկայացուցիչները՝ անհարմար կերպով դուրս գալով իրավիճակից: