ԼՈՒՍԱՆԿԱՐՆԵՐ. Նորակառույցում բռնկված հրդեհը դեռ չի մարվել. ինչ իրավիճակ է այս պահին
Երևանի Հայրիկ Մուրադյան փողոցի 42/2 շենքի վերելակի հորանում հրդեհ է բռնկվել։
Հայտարարվել է հրդեհի բարդության «1-ԲԻՍ» կանչ: Տեղում են Երևան քաղաքի փրկարարական վարչության հրշեջ-փրկարարական ջոկատից չորս մարտական հաշվարկ, ավտոսանդուղք, հրդեհաշիջման և փրկարարական աշխատանքների կազմակերպման բաժնի հերթապահ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խմբերը: Ժամը 13։36-ի դրությամբ տարհանվել է 65 քաղաքացի։ Հայտնի է , որ կան տուժածներ: Այլ աղբյուրներից տեղեկանում ենք, որ տուժել է մի քաղաքացի և հրշեջներ:
Ժամը 13։41-ին հրդեհը մեկուսացվել է, այն դեռ չի մարվել:
