Ի վերջո ի՞նչ որոշվեց. Տաթև Խաչատրյանը` մետրոպոլիտենի աշխատակիցները գործադուլի մասին

 Ինչպես արդեն հայտնել էինք, առավոտյան Երևանի մետրոպոլիտենի աշխատակիցները գործադուլ էին արել: Ավելի ուշ պարզ դարձավ, որ գնացքավարները դուրս չէին եկել աշխատանքի` պահանջելով աշխատավարձերի բարձրացում։

Ժամեր տևած գործադուլից հետո, աշխատանքի դուրս չեկած մեքենավարների միջև բանակցությունների արդյունքում, մետրոպոլիտենի բնականոն աշխատանքը վերականգնվեց։

Auroranews.am-ը կապ հաստատեց մետրոպոլիտենի հանրային կապերի պատասխանատու Տաթև Խաչատրյանի հետ, տեղեկանալու, թե ի վերջո ի՞նչ որոշվեց, ի՞նչ պայմանավորվածություն է ձեռք բերվել: 

Խոսնակն ասաց, որ պայմանավորվել են աշխատավարձերի վերանայման վերաբերյալ, այդ խոստման համաձայն էլ աշխատակիցները որոշել են վերադառնալ աշխատանքի։ Թե ինչ ժամկետներում է նախատեսված կազմակերպել այդ քննարկումը, մամուլի պատասխանատուն դժվարացավ ասել։

Հարցին, աշխատակիցները նախկինում ևս բողոքել են աշխատանքային պայմաններից, թե ոչ, խոսնակը հաստատեց: Ստացվում է, նախկինում ևս աշխատակիցները բողոքել են, սակայն այսօր արդեն բանը հասավ գործադուլի: