«Եթե նման բան տեղի ունենա, նրանց բոլորի համար կգա դատաստանի օրը». Մեդվեդև
Ռուսաստանին կհոշոտեն, եթե մենք ամբողջությամբ անկախ արտաքին քաղաքականություն չվարենք: Այս հայտարարությամբ հանդես է եկել ՌԴ Անվտանգության խորհրդի փոխնախագահ Դմիտրի Մեդվեդևը Հայրենական Մեծ պատերազմի վետերանների հետ հանդիպմանը:
Նա կարծում է, որ Արևմուտքը ինչ-որ բանով նախանձում է Ռուսաստանին։
«Որպեսզի Ռուսաստանը հետագայում եւս ուժեղագույն երկիր լինի, անհրաժեշտ է անկախ քաղաքականություն վարել եւ պահպանել մեր սահմանները ողջ պարագծով»,-հայտարարել Է Մեդվեդեւը:
Վերջինս, Ղրիմի վրա հարձակման վերաբերյալ Ուկրաինայի սպառնալիքների մասին խոսելով, նշել է.
«Եթե նման բան տեղի ունենա, նրանց բոլորի համար կգա դատաստանի օրը: Մենք մեր նպատակներին կհասնենք, դա կգիտակցեն նաև նրանք, ովքեր Կիևին փողով ու զենքով «կերակրում են»,-ասել է Մեդվեդևը:
