ԱՄՆ-ում ասել են` որն է Պուտինի գաղտնի զենքը

Ժամանակակից Արեւմուտքի բարոյական եւ քաղաքական շփոթմունքը դարձել է Ռուսաստանի նախագահ Վլադիմիր Պուտինի գաղտնի զենքը, գրում է Ուոլթեր Ռասսելը The Wall Street Journal թերթի համար:

«Պուտինը փորձում է խաղալ արեւմտյան հասարակության խնդիրների վրա, ինչը, ի վերջո, պետք է ամերիկյան համաշխարհային կարգը ծնկի բերի», — ասվում է հրապարակման մեջ։

Հեղինակը կարծում է, որ Ռուսաստանը Արևմուտքի հետ տնտեսական պատերազմում կարողացավ ոչ միայն դիմակայել, այլև կարգուկանոն հաստատել իր ընդդիմախոսների շրջանում։ Մասնավորապես, հոդվածում նշվում է, որ ֆինանսական դիմակայության հետեւանքներից վախեցած Գերմանիան սկսել է խուսափել պաշտպանության ծախսերը մեծացնելու իր խոստումներից:

«Պուտինը հասել է առավել մեծ հաջողության տնտեսության եւ քաղաքականության ոլորտներում, որտեղ Արեւմուտքն իր իշխանությունն առավել ուժեղ էր համարում», — նշել է հոդվածագիրը:

Նրա կարծիքով՝ Արևմուտքը լավատեսություն չունի և այն հարցում, որ իր արժեքները կմիավորեն համաշխարհային հանրությանը և նրան կստիպեն միասնական ճակատով հանդես գալ Ռուսաստանի դեմ։