Փաշինյան-Պուտին հեռախոսազրույցի վերաբերյալ հայկական և ռուսական հաղորդագրությունները տարբերվում են
ՀՀ կառավարության կայքում, ինչպես նաև ՌԴ նախագահի պաշտոնական կայքում տեղադրվել է Փաշինյան-Պուտին հեռախոսազրույցի մասին պաշտոնական հաղորդագրություն։ Սակայն, ի տարբերություն ՀՀ կառավարության հաղորդագրության Կրեմլի հաղորդագրության մեջ նշված է, որ երկրների ղեկավարները խոսել են նաև Հայաստան-Թուրքիա շփումների մասին, գրում են թելեգրամյան ալիքները:
«Նիկոլ Փաշինյանը տեղեկացրել է Հայաստանի և Թուրքիայի միջև հարաբերությունների կարգավորմանն ուղղված վերջին շփումների մասին»,- մասնավորապես գրված է Կրեմլի հաղորդագրության մեջ, ինչը բացակայում է ՀՀ կառավարության հաղորդագրության տեքստում:
