Եվրոպան շատ ավելի շատ է տուժում, քան ԱՄՆ-ն. Lավրովի դիտարկումը

Եվրոպան շատ ավելի շատ է տուժում Ռուսաստանի դեմ ԱՄՆ-ի կողմից խրախուսվող պատժամիջոցներից, քան ԱՄՆ-ն, ասել է ՌԴ ԱԳ նախարար Սերգեյ Լավրովը։

«Եթե համեմատեք այն պատժամիջոցները, որոնք եվրոպական երկրները կիրառում են Ռուսաստանի և Բելառուսի նկատմամբ, իսկ մյուս կողմից՝ ինչ են կիրառում Միացյալ Նահանգները, կտեսնեք, որ Միացյալ Նահանգները, ընդհանուր առմամբ, իրենք իրենց խնայում են և փորձում են շատ ակտիվ չլինել այն ոլորտներում, որոնք կարող են վնասել իրենց տնտեսությանը»,- ասել է Լավրովը մամուլի ասուլիսի ժամանակ։

Նա ընդգծել է, որ ԱՄՆ-ն բացասական հետևանքներ է ստանում սեփական պատժամիջոցներից, սակայն դրանցից շատ ավելի տուժում է Եվրոպան։ Ուստի, եզրափակել է Լավրովը, ԱՄՆ-ի կողմից լոբբինգի ենթարկվող պատժամիջոցների ճնշման նպատակը ոչ միայն Ռուսաստանին, այլև Եվրոպային որպես մրցակից թուլացնելն է։