Լվովում տեղակայված տարածքային պաշտպանության գումարտակի զինծառայողները հրաժարվել են մեկնել Դոնբաս

Լվովում տեղակայված տարածքային պաշտպանության գումարտակի զինծառայողները հրաժարվել են մեկնել Դոնբաս։ Տեղեկությունը հայտնել է Ռուսաստանի պաշտպանության նախարարության ներկայացուցիչ Իգոր Կոնաշենկովը:

«Լվովում տեղակայված տարածքային պաշտպանության 103-րդ բրիգադի 64-րդ գումարտակի անձնակազմը հրաժարվել է մեկնել Դոնբասի մարտական գործողությունների շրջան չնախապատրաստված պահեստազորայիններով համալրման և ծանր սպառազինության բացակայության պատճառով»,- ասել է գեներալ-լեյտենանտը:

Երեկ ՌԴ պաշտպանության նախարարությունը հաղորդագրություն էր տարածել, որում պնդումներ կան ուկրաինացի զինվորականների դասալքության զանգվածային դեպքերի մասին: Վերջին դեպքերից մեկը գրանցվել է Դոնբասի Ալեքսանդրապոլ բնակավայրի շրջանում, որտեղ Ուկրաինայի զինված ուժերի ռազմաօդային ուժերի 25-րդ բրիգադի ավելի քան 30 զինծառայողներ, զենքը նետելով, ինքնակամ հեռացել են դիրքերից։

Դրանից առաջ՝ հունիսի 22-ին, ռուսական գերատեսչությունը հայտնել էր, որ 57-րդ մոտոհրաձգային բրիգադի մարտիկները, որոնք պաշտպանվում էին Լուգանսկի մոտ գտնվող Գորսկոյե, Պոդլեսնոյե և Վրուբովկա բնակավայրերի մերձակայքում, հրաժարվել են կատարել հրամանները, երբ ստորաբաժանումը կորցրել է անձնակազմի ավելի քան 60 տոկոսը:

Նախարարությունում նշել են, որ Ուկրաինայի հրամանատարությունը կորուստները լրացնելու համար ստիպված է առանձին հրաձգային գումարտակներ ձևավորել չնախապատրաստվածքաղաքացիներից: