Բորելը խոստովանել է, որ ԵՄ բանկերը «չափն անցել են» Ռուսաստանի դեմ պատժամիջոցների հարցում

ԵՄ որոշ բանկեր չափազանց հեռուն են գնացել Ռուսաստանի դեմ պատժամիջոցների հարցում: Այս մասին Լյուքսեմբուրգում Ասոցացման խորհրդի նիստի արդյունքներով լրագրողների հետ հանդիպման ժամանակ հայտարարել է ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը, գրում է Life. ru-ն:
 

«Մենք չենք կարող խուսափել իրավիճակներից, երբ որոշ ֆինանսական հաստատություններ, ինչպես, օրինակ, եղավ Իրանի պատժամիջոցների դեպքում, կամավոր որոշում են չմասնակցել առևտրին: Սա պատժամիջոցների գերակատարումն է»,- ասել է Բորելը:
 

Նա հավելել է, որ նամակներ կուղարկվեն բանկերին՝ վարկային հաստատություններին բացատրելու համար, որ նրանք կարող են սպասարկել ռուսական հացահատիկի հետ գործարքները։ Բորելի խոսքով՝ անհրաժեշտ տեղեկատվություն պետք է տրվի նաեւ տրանսպորտային համակարգերին ու ապահովագրական ընկերություններին։