Երբեք չի կարելի բացառել․ Պեսկովը խոսել է ուկրաինական հակամարտության մասին
Ռուսաստանի և Ուկրաինայի միջև բանակցությունները երբեք չի կարելի բացառել։ ՌԻԱ Նովոստիին այս մասին ասել է ՌԴ նախագահի մամուլի քարտուղար Դմիտրի Պեսկովը։
«Բայց տեղաշարժ առաջվա պես չկա»,- ընդգծել է Պեսկովը` պատասխանելով այն հարցին, թե արդյոք որևէ շարժ կա բանակցային գործընթացում, և հնարավոր է արդյոք բանակցությունների վերսկսումը։
Ավելի վաղ ԶԼՄ-ները, հղում անելով Պետդումայի միջազգային հանձնաժողովի ղեկավար Լեոնիդ Սլուցկիին, որը մասնակցում էր Ուկրաինայի հետ բանակցություններին, հաղորդել էին, որ երկխոսությունն առաջիկայում կարող է վերսկսվել:
