Էրդողանը կխոսի Պուտինի և Զելենսկու հետ
Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը ծրագրում են երկուշաբթի՝ մայիսի 30-ին հեռախոսազրույց ունենալ։ Այս մասին ՏԱՍՍ-ին հաստատել է ՌԴ ղեկավարի մամուլի քարտուղար Դմիտրի Պեսկովը։
«Այո»,- պատասխանել է նա այն հարցին, թե արդյոք սպասվում է նման շփում երկուշաբթի օրը։
Կիրակի ավելի վաղ Էրդողանը հայտարարել էր, որ ծրագրում է մայիսի 30-ին հեռախոսազրույցներ ունենալ Պուտինի, ինչպես նաև Ուկրաինայի նախագահ Վլադիմիր Զելենսկու հետ։
