Փաշինյանը` Իրանի և ԵԱՏՄ-ի միջև ազատ առևտրի համաձայնագրի մասին

Եվրասիական տնտեսական բարձրագույն խորհրդի առցանց նիստում ՀՀ վարչապետ Նիկոլ Փաշինյանը հայտարարեց, որ Հայաստանը շահագրգռված է Իրանի և Եվրասիական տնտեսական միության (ԵԱՏՄ) միջև ազատ առևտրի համաձայնագրի շուտափույթ կնքմամբ։

«Միջազգային համագործակցության շրջանակներում կարևորվում է երրորդ երկրների գործընկերների հետ տնտեսական հարաբերությունների ու համագործակցության շղթաների կառուցման անհրաժեշտությունը»,– ասաց Փաշինյանը:

«Թեհրանի հետ միջանկյալ համաձայնագրի գործողության փորձը հստակ ցույց է տալիս իրանական շուկայի գրավչությունն ու համագործակցության հետագա խորացման հեռանկարները»,- ասել է նա։

ՀՀ վարչապետը նաև հավելել է, որ այսօրվա նիստի օրակարգում է Ինդոնեզիայի հետ ազատ առևտրի համաձայնագրի ստորագրումը։

«Կարևոր է այսուհետ ևս հարստացնել միջազգային օրակարգը, որպեսզի ինչպես միության անդամ երկրները, այնպես էլ մեր գործընկերները տեսնեն փոխշհավետ համագործակցության շոշափելի արդյունքները»,– ասաց Փաշինյանը։