Ջասթին Թիմբերլեյքը 100 միլիոն դոլարով վաճառել է իր երգերի իրավունքները
Երգիչ Ջասթին Թիմբերլեյքը 100 միլիոն դոլարով վաճառել է իր երգերի կատալոգի իրավունքները բրիտանական Hipgnosis Songs Management ընկերությանը, հայտնում է The Wall Street Journal-ը՝ հղում անելով աղբյուրներին։
Ըստ ինսայդերի՝ գործարքն իրականացվել է Hipgnosis Songs Capital-ի անունից, որը համատեղ ձեռնարկություն է Hipgnosis Song Management-ի և Blackstone ներդրումային հիմնադրամի միջև:
Միաժամանակ համաձայնագիրը չի ազդում երաժշտի հետագա աշխատանքի վրա։ Թիմբերլեյքն ասել է, որ «հուզված է» հետագա համագործակցության մտքից: Երաժիշտը վստահեցրեց, որ անհամբեր սպասում է իր կյանքում նոր էջ բացելուն:
