Մեկնարկել է ընդդիմության երրորդ երթը` Ապարանից
Ապարանից մեկնարկեց ընդդիմության երրորդ երթը։ Մինչ երթի մեկնարկը ընդդիմադիրները ծաղկեպսակ դրեցին զորավար Դրաստամատ Կանայանի (Դրո) շիրիմին, այնուհետև հայ քահանաների օրհնությունը ստացան։
«Քանի Հայաստանը հզոր պետություն չէ, չի կարող այս տարածաշրջանում խաղաղ ապրել»,–ասաց «Հայաստան» խմբակցության պատգամավոր Արթուր Խաչատրյանը։
Քայլերթը մեկնարկել է հենց Դրաստամատ Կանայանի գերեզմանի մոտից։ Խաչատրյանը նշեց` այնտեղից քայլերթը մեկնարկելը խորհրդանշում է, որ իրենք տեր են Դրոյի, Մոնթեի, Թաթուլ Կրպեյանի, Լեոնիդ Ազգալդյանի թողած ժառանգությանը։ Նա հավելեց` պետք է թույլ չտան, որ դրսի թշնամիներն ու նրանց ներսի համախոհները երկիրը դեպի կործանում տանեն։
