Խոշոր ավտովթար՝ Արարատի մարզում. բախվել են ԶԻԼ 131-ն ու Mercedes-ը, կան վիրավորներ

Այսօր՝ ապրիլի 28-ին, խոշոր ավտովթար է տեղի ունեցել Արարատի մարզում։ Ժամը 12։40-ի սահմաններում Երևան-Երասխ ավտոճանապարհի 6-րդ կմ հատվածում՝ թունաքիմիկատների թույների խանութի դիմաց, բախվել են Mercedes և ԶԻԼ 131 մակնիշի ավտոմեքենաները։ Ինչպես դեպքի վայրից հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է «Մասիս» բժշկական կենտրոն։

Հրշեջ փրկարարները հոսանքազրկել են ավտոմեքենաները, փակել Mercedes-ի գազաբալոնն ու սահմանազատել տարածքը։ Բժիշկները վիրավորին մինչ հիվանդանոց տեղափոխելը, տեղում առաջին բուժօգնությունն են ցուցաբերել։