Գերմանական ընկերությունը հնարավոր է համարել ռուսական գազի դիմաց եվրոյով վճարելը
Գերմանական Uniper ընկերության ներկայացուցիչը հայտնել է, որ կոնցեռնը հնարավոր է համարում ապագայում ռուսական գազի դիմաց վճարել եվրոյով։ Այս մասին հայտնում է RT-ն՝ հղում տալով Bloomberg-ին։
Խմբի ներկայացուցչի խոսքով՝ ընկերությունը նման եզրակացության է եկել «նախնական, ոչ պարտադիր գնահատումից հետո»:
«Մենք շարունակում ենք հավատալ, որ ապագայում հնարավոր է վճարումների համապատասխան մշակում (եվրոյով)», - ասել է ներկայացուցիչը։
Ավելի վաղ Եվրահանձնաժողովը հայտարարել էր, որ եվրոպական ընկերությունները կարող են համաձայնել ռուսական գազի դիմաց ռուբլով վճարման համակարգին՝ չխախտելով հակառուսական պատժամիջոցները։
