Այլ երկրների կենտրոնական բանկերը կարող է սկսեն թաքցնել սեփական դոլարային պահուստները. Գերմանիայում զգուշացնում են

Ռուսաստանի Բանկի պահուստների սառեցումը կխրախուսի այլ երկրների կենտրոնական բանկերին «թաքցնել» սեփական դոլարային պահուստները։ Wirtschafts Woche թերթին տված հարցազրույցում այսպիսի կարծիք է հայտնել Մայնի Ֆրանկֆուրտի Գյոթեի համալսարանի պրոֆեսոր Յան Պետեր Քրանենը։
 

Նա ենթադրություն է արել, որ այժմ՝ Ռուսաստանի դեմ պատժամիջոցներից հետո, հակաարևմտյան երկրները կմտածեն՝ արդյոք պետք է շարունակեն իրենց ակտիվները պահել արևմտյան հաշիվներում։
 

«Նրանց հավանական արձագանքը դիվերսիֆիկացնելն է՝ ոչ միայն պահուստային արժույթներով, որոնք նրանք օգտագործում են, այլ նաև որտեղ և ինչպես դրանք պահել: Դա կարելի է անել գաղտնի»,- չի բացառել փորձագետը։
 

«Կենտրոնական բանկերը կարող են դա անել՝ ստեղծելով «պետական ​​ընկերություններ»», - ասել է նա:
 

Քրենենը նաև կարծում է, որ պետությունները մասնավոր կապիտալի շուկայում կպահեն փողերը փոքր մասերում, ինչը անհնարին կդարձնի նրանց սեփականատիրոջ նույնականացումը: Դա նրանց թույլ կտա պահպանել իրենց ներդրումները արևմտյան ֆինանսական շուկաներում, ասել է նա։
 

Բացի այդ, պրոֆեսորը նշել է, որ ԱՄՆ-ը դոլարը օգտագործում է Ռուսաստանի Դաշնության հետ հակամարտությունում՝ որպես զենք, ինչը բացասաբար է անդրադառնում ամերիկյան արժույթի՝ որպես աշխարհի հիմնական պահուստային արժույթի կարգավիճակի վրա։