ՏԵՍԱՆՅՈՒԹ. «Հիմա ասել էինք՝ ինչի համար ենք եկել, հա՜: Չես հասկանո՞ւմ՝ ինչի համար եմ եկել». Աղազարյանը` լրագրողին

Վեդիի 13/01 ընտրատեղամասում են գտնվում ԱԺ «Քաղաքացիական պայմանագիր» խմբակցության պատգամավորներ Հովիկ Աղազարյանը և Հակոբ Ասլանյանը: Հովիկ Աղազարյանը ոստիկանին ցուցումներ էր տալիս՝ նշելով, որ կարգուկանոն չի պահպանում, դրա համար էլ իրենք վիճաբանում են․ գրում է 168.am-ը։ 
Ոստիկանի դիտարկմանը, թե կարգուկանոնը պահպանված է, Աղազարյանն արձագանքեց. «Պահպանված չէ, և կզեկուցվի այդ մասին, որ պահպանված չի եղել»: 
168.am-ի հարցին, թե ի՞նչ խնդիր է եղել, Հովհաննես Աղազարյանը պատասխանեց. «Հավաքված էին տղաներ, որոնք չպետք է հավաքվեին տեղամասում»: 
Հարցին՝ Դուք այստե՞ղ եք ընտրում, Հակոբ Ասլանյանը պատասխանեց. «Մենք չենք ընտրում, ուղղակի եկել ենք»: 
Իսկ Հովիկ Աղազարյանը բարկացավ. «Համ ասում եք՝ պարոն Աղազարյան, համ հարցնում եք՝ ինչի համար եք եկել, հիմա ասել էինք՝ ինչի համար ենք եկել, հա՜: Չես հասկանո՞ւմ՝ ինչի համար եմ եկել»: