Հիմքերը, որոնց դեպքում ՌԴ-ն իրավունք ունի օգտագործել միջուկային զենքը, մի քանիսն են. Դմիտրի Մեդվեդև
Ռուսաստանի Անվտանգության խորհրդի նախագահի տեղկալ Դմիտրի Մեդվեդևը պատմել է, թե որ դեպքերում Ռուսաստանը կարող է միջուկային զենք կիրառել.
Առաջինը, երբ Ռուսաստանին հրթիռային հարված է հասցվել միջուկային խոցման միջոցների օգտագործմամբ։
Երկրորդը՝ ՌԴ-ի կամ նրա դաշնակիցների դեմ միջուկային զենքի այլ կիրառումն է։
Երրորդը` հարձակումն է ենթակառուցվածքների վրա, որի արդյունքում կաթվածահար է լինում միջուկային զսպման ուժերի գործունեությունը։
Չորրորդը, երբ ագրեսիայի ակտ է իրականացվել ՌԴ-ի կամ նրա դաշնակիցների նկատմամբ, որի արդյունքում սպառնալիքի տակ է դրվել երկրի գոյությունը՝ նույնիսկ առանց միջուկային զենքի կիրառման, այսինքն՝ սովորական զենքի կիրառմամբ։
«Բայց ակնհայտ է, որ մենք ելնում ենք նրանից, որ բանակցությունները, դիվանագիտական ջանքերն ամենաբարդ իրավիճակներում անգամ, ինչպիսին, օրինակ, հիմա ձևավորվում է Ուկրաինայի շուրջ, միևնույն է, լավագույն և ամենաճիշտ ճանապարհն է։ Այլ բան է, որ բանակցությունները միշտ չէ, որ հաջողության են հասնում, բայց պետք է այդ ճանապարհով գնալ»,- ՌԻԱ Նովոստիին ասել է ՌԴ Անվտանգության խորհրդի նախագահի տեղակալը։
