1-2 ժամ առաջ փորձել են ադրբեջանական զորքերը գրոհ ձեռնարկել ու գրավել ամբողջությամբ բարձունքը. ՊԲ-ն թույլ չի տվել. Դավիթ Թորոսյան

Հանուն հայ զինվորի ՀԿ նախագահ Դավիթ Թորոսյանը ֆեյսբուքյան իր էջում գրել է․ 

«Ընկերներ, այս պահին եղած տվյալները ամփոփելով, ժամը 14-ի դրությամբ հետևյալ պատկերն է.

Քարագլուխ կոչվող բարձունքի վրա ամբողջական և լիարժեք վերահսկողություն կողմերից ոչ մեկ չունի` մի երեսից մերոնք են մյուսից` թշնամին։ 1-2 ժամ առաջ փորձել են ադրբեջանական զորքերը գրոհ ձեռնարկել ու գրավել ամբողջությամբ բարձունքը, ինչը ՊԲ-ն թույլ չի տվել ու պահել են մերոնք։
Սահմանագծի տարբեր հատվածներում որոշ շարժեր կան և անկանոն մի քանի հատ կրակոցներ, բայց ոչ այնպիսի, ինչպես ներկայացվում է։
Ի.Գ Բոլոր տվյալները ստացվել են սեփական աղբյուրներից և ոչ պաշտոնական են»։

[fb189d0d57c8eb08401a053dec5b1c51.jpg]

Հիշեցնենք, որ Արցախի Հանրապետության պետնախարար Արտակ Բեգլարյանը հայտնել էր, որ մարտի 25-ի կեսօրվանից մինչև 26-ի առավոտ Արցախի առաջնագծի երկայնքով իրավիճակի ու դիրքերի փոփոխություն տեղի չի ունեցել, և ադրբեջանական զինված ուժերը շարունակում են մնալ Փառուխ գյուղում ու հարակից Քարագլուխ բարձունքի մի կողմում, իսկ քիչ առաջ այդ հատվածում անհաջող հարձակման փորձ են կատարել մեր մի զինված ստորաբաժանման ուղղությամբ:

Արցախի զինված ուժերը համապատասխան նախազգուշական ու զսպիչ միջոցներ են ձեռնարկում հնարավոր վտանգները չեզոքացնելու նպատակով: