«Պատերազմ է, պա–տե–րազմ». Աղազարյանը՝ Անդրանիկ Քոչարյանի հայտարարության մասին

ԱԺ-ում իշխող «Քաղաքացիական պայմանագիր» խմբակցության պատգամավոր Հովիկ Աղազարյանին լրագրողները հարց ուղղեցին այն մասին՝ ինչպես կմեկնաբանի իշխանական պատգամավոր Անդրանիկ Քոչարյանի հայտարարությունը՝ Արցախում գազամատակարարման հարցի հետ կապված։

«Պատերազմ է, պա–տե–րազմ, գազը պատերազմի հետ կապ չունի՞, մենք գտնվում ենք պատերազմական իրողությունների մեջ, այսօր զինադադար է»,– ասաց Աղազարյանը։

Հիշեցնենք, որ  «1in.am»–ի հետ զրույցում ԱԺ Պաշտպանության և անվտանգության մշտական հանձնաժողովի նախագահ Անդրանիկ Քոչարյան, անդրադառնալով Արցախում գազատարի հետ կապված խնդրին ասել է, որ մենք պետք է միակամ լինենք և սովորենք գազատարը փակ վիճակում ապրել։