Շոլցը հայտարարել է, որ Գերմանիան ուկրաինացի փախստականներին կառաջարկի լիարժեք ինտեգրում

Գերմանիայի կանցլեր Օլաֆ Շոլցը հայտարարել է, որ ռազմական ճգնաժամի ֆոնին երկիրը լքած ուկրաինացի քաղաքացիներին կառաջարկի լիարժեք ինտեգրում, գրում է РИА Новости-ն։
 

Նա բացատրել է, որ շատ ուկրաինացիներ, ովքեր լքել են երկիրը, «ակնկալում են արագ վերադարձ», և նրանց միգրացիան տարբերվում է այն ամենից, ինչ «մենք տեսել ենք վերջին տարիներին»։
 

«Խոսքը մեծ թվով երեխաների ու կանանց, տարեցների մասին է։ Շատ տղամարդիկ չեն լքել Ուկրաինան, քանի որ զինապարտներ են», - ասաց նա:
 

Կանցլերի խոսքով, կարևոր չէ, թե ի վերջո ինչ որոշում կկայացնեն հեռացած ուկրաինացիները՝ վերադառնալ կամ մնալ Եվրոպայում, նրանց պետք է օգնել՝ նախապես մշակելով ԵՄ տարածքում իրենց մշտական ​​բնակության տարբերակը։
 

«Մենք չպետք է կրկնենք մեր սխալները», - բացատրել է Շոլցը։