«Եթե Հայաստանը հրաժարվի ագրեսիվ դիրքորոշումից»․ մտացածին հայտարարություն՝ Թուրքիայից
Թուրքիայի իշխող «Արդարություն եւ զարգացում» կուսակցության խոսնակ Օմեր Չելիքը Էրդողանի եւ իշխող կուսակցության պատգամավորների հետ հանդիպումից հետո հանդես է եկել ասուլիսով, որի ընթացքում անդրադարձել է Հայաստանի հետ հարաբերությունների կարգավորման թեմային։
Թուրքական լրատվականների փոխանցմամբ՝ Թուրքիայի իշխող «Արդարություն եւ զարգացում» կուսակցության խոսնակ Օմեր Չելիքը պնդել է, որ եթե Հայաստանը հրաժարվի ագրեսիվ դիրքորոշումից, ապա հարաբերությունները կարգավորումը կարող է կյանքի կոչվել։
Թե ինչ մտացածին ագրեսիվ դիրքորոշման մասին է խոսքը՝ Էրդողանի խոսնակը չի մանրամասնել։
Նշենք, որ Թուրքիայի և Ադրբեջանի բարձրաստիճան պաշտոնյաները հաճախ Հայաստանը շփոթում են իրենց երկրների հետ և տալիս որակումներ, որոնք հենց իրենց են բնութագրում։
