ՏԵՍԱՆՅՈՒԹ․ «Էղավ հավի ու ձվի պատմությունը»․ Փաշինյան
«Մենք հիմա լրատվամիջոցների վերնագրերում տեսնում ենք, որ էլի նախորդ տարիների պատմությունը կրկնվում է՝ ձվի գնի առումով․ էս դեպքում կտրուկ անտրամաբանական գնանկում ունենք»,- այսօր՝ Կառավարության նիստում հայտարարեց վարչապետ Նիկոլ Փաշինյանը։
«Դա մեզ անհանգստացնում է, քանի որ, օրինակ, Սուրբ Զատկի շրջանում տիեզերական չափերի են հասնում ձվի գները։ Ես գիտեմ, որ ՏՄՊՊՀ-ն մոնիթորինգի տակ է պահում իրավիճակը»,- նշեց վարչապետը։
«Պարո՛ն Գևորգյան, տեսա նաև, որ մրցակցության չարաշահման դեպքեր չեք արձանագրել, ինչպե՞ս ենք կառավարելու իրավիճակը, որ Զատկի տոներին և հետագայում նույն պրոբլեմը, ինչ նախկինում, չունենանք։ Էս տարվա դեպքը կրում էր առանձնահատուկ բնույթ, որովհետև գնիջեցումը տեղի է ունեցել փոքր տնտեսվարող սուբյեկտի կողմից, ում մասնաբաժինը չի գերազանցում հինգ տոկոսը ու շղթայաձև ռեակցիա է տվել, այսինքն՝ այդ տնտեսվարող սուբյեկտը գործել է մեկ սուպերմարկետում, որտեղ գինն իջել է, առաքիչների միջոցով այլ տեղերում գինը ևս իջել է, և շղթակայան ռեակցիա է տվել»,- ի պատասխան ասաց Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը։
