American Express-ը դադարեցրել է պատժամիջոցների տակ հայտնված ռուսաստանյան բանկերի հետ համագործակցությունը

Ամերիկյան American Express ֆինանսական ընկերությունը հայտարարել է պատժամիջոցների տակ հայտնված ռուսական բանկերի հետ համագործակցությունը դադարեցնելու մասին։ Այս մասին գրում է РИА Новости-ն:

«Այս ճգնաժամի սկզբից մենք գործել ենք ԱՄՆ-ի և միջազգային պատժամիջոցների համաձայն, ինչը հանգեցրել է Ռուսաստանի գործընկեր բանկերի հետ հարաբերությունների դադարեցմանը, որոնք հայտնվել են պատժամիջոցների ազդեցության տակ»,- նշվում է հայտարարության մեջ:

Ըստ American Express-ի՝ ընկերությունը կշարունակի պահպանել համապատասխան բոլոր օրենքները՝ ելնելով իրավիճակի հետագա զարգացումից: