Ռուսական «Пятница» հեռուստաալիքը դադարեցրել է «Орел и решка» նախագծի ստեղծողի հետ համագործակցությունը
Ռուսական «Пятница» հեռուստաալիքը որոշել է դադարեցնել համագործակցությունը ուկրաինական TeenSpirit փրոդաքշնի հետ, որը հեռուստաալիքի համար պատրաստում է «Орел и решка» նախագիծը: Այս մասին РИА Новости-ին հայտնել են հեռուստաալիքի մամուլի ծառայությունից։
Ավելի վաղ տարածվել էին «Орел и решка» ճանապարհորդական հեռուստանախագծի պրոդյուսեր Մարինա Գրանկինայի վիճահարույց հայտարարությունները:
Հրապարակվել էին իբրև թե իր ինսթագրամյան էջից արված սքրինշոթեր, որոնցում վերջինս դժգոհություն էր հայտնում կորոնավիրուսով պայմանավորված իրավիճակի և հարևան երկրի հետ հարաբերությունների վերաբերյալ, ինչպես նաև մաղթում էր, որ «առաջինը, սպանի երկրորդին»:
